Велоспортчиларимиз Қозоғистонда шоҳсупага кўтарилди
Ads

Мазкур мусобақанинг якуний 5-босқичининг яккалик пойгаларида ҳамюртимиз М.Холмуродов маррага учинчи бўлиб етиб келди. Шунингдек, ушбу босқичда Ўзбекистон миллий терма жамоаси аъзолари умумжамоа хисобида  иккинчи поғонадан ўрин олди.

Эслатиб ўтамиз, М.Холмуродов айни кунларда Президентимизнинг “Ўзбекистон спортчиларини 2020 йил Токио (Япония) шаҳрида бўлиб ўтадиган ХХХII ёзги Олимпия ва ХVI Паралимпия ўйинларига тайёрлаш тўғрисида”ги қарорига мувофиқ Олимпия ўйинларига қизғин тайёргарлик кўрмоқда.

У энди 9-11сентябрь кунлари Ҳиндистонда велотрек йўналиши бўйича бўлиб ўтадиган Осиё кубогида ва 22-29 сентябрь кунлари Буюк Британиянинг Йоркшир шаҳрида велошоссе йўналиши бўйича бўлиб ўтадиган жаҳон чемпионатида иштирок этади. Мазкур мусобақалар спортчимизга Олимпия ўйинларига қимматли рейтинг очколарни тақдим этади.