"Вердер" ярим ҳимоячиси полицияга мушт тушургани учун қамоққа олинди

Бременнинг “Вердер” клуби ярим ҳимоячиси Самбу Ятабаре Париж шаҳрида ноҳуш ҳолатга сабабчи бўлди.

Bild нашрининг хабар беришича, 28 ёшли футболчи Шарль-де-Голль аэропорти яқинида полиция томонидан тўхтатилган ва шундан сўнг улар ўртасида тўқнашув юзага келган. Футболчининг сўзларига кўра у шундан кейин полиция ходими томон отилган ва унинг кўзига мушт туширган. Натижада, тартиб посбони кучли зарбадан сўнг ерга қулаган. Ятабаре эса шу заҳотиёқ қўлга олинган.

Маълумот учун, франциялик футболчи якунланган мавсум Германия Бундеслигасида бор йўғи 2та учрашувда иштирок этган. Бироқ, у ушбу баҳсларда ўз ҳисобига 1та гол ҳамда 1та голли узатма ёздириб қўйишга эришган.