Верстаппен 24 соатлик пойгада иштирокини якунлади

Verstappen Racing жамоаси матбуот хизмати "24 соат Нюрбургринг" пойгасида иштирокини якунлаганини эълон қилди. Формула-1'нинг 4 карра жаҳон чемпиони 24 соатлик чидамлилик пойгасида ўзининг дебютини ўтказди ва пойганинг катта қисмида лидерлик қилди.

“Пойга биз учун эрта тугади. Жуда ачинарли мағлубият. Пойгада пешқадамлик қилаётган машинамизнинг етакчи вали бузилиб, ғолиблик учун курашдан маҳрум бўлди. Дам олиш кунлари давомида қўллаб-қувватлаганингиз учун барчангизга миннатдорчилик билдирамиз", - дейилади жамоанинг ижтимоий тармоқлардаги хабарида.

Машинада муаммо пайдо бўлганда 35 ёшли испаниялик пойгачи Даниэль Хункаделья рулда бўлган. унга қадар Verstappen Racing экипажи 80-рақамли “Мерседес” экипажидан 30 сония олдинда эди.

Макс Верстаппен ва Ҳункаделя билан экипажда январь ойида GTD ҳисобида "24 соатлик Дайтона"да ғолиб чиққан Лукас Ауэр, "12 соатлик Баттерст"нинг уч карра ғолиби Жьюл Гунон ҳам бор.