Верстаппен: “Ким ҳам Месси бўлиб қолишни истамайди?”

"Ред Булл" пойгачиси, тўрт карра Формула-1 чемпиони бўлган нидерландиялик Макс Верстаппен ўз ҳаётини Американинг "Интер Майами" футбол клуби ҳужумчиси ва сардори аргентиналик Лионель Месси билан алмаштирмоқчи эканлигини айтди.

- Агар сиз бирор профессионал спортчи билан ҳаётингизни алмашишингиз мумкин бўлса, ким билан алмашишни хоҳлардингиз?

 "Агар коптокни тепганимда, чап оёғим билан тепган бўлардим. Дунёдаги энг яхши чапақай ўйинчи ким? Месси. Ким ҳам Месси бўлиб қолишни истамайди?”, - деди Верстаппен Bets'га берган интервьюсида.

Верстаппен ҳозирда 26 очко билан Формула-1 шахсий рейтингида еттинчи ўринни эгаллаб турибди.