Верстаппен Месси ҳақида: “У исталган жойдан, исталган вақтда гол ура олади”

Макс Верстаппен яқинда “Red Bull Racing”нинг Инстаграмдаги видеосида Лионель Мессини ҳақида фикр билдирди. 

4 карра Формула-1 чемпиони нега Мессининг фазилатлари уни бошқа футболчилардан ажратиб туришини батафсил айтиб ўтди.

 "Месси ўйинни ўқий олади. Сиз кўп одамларни кўрасиз, улар гол уриш учун югуришлари, ўйинга киришишлари керак. У исталган жойдан, исталган вақтда гол ура олади. Сен эса уга қарши ҳимоялана оламан деб ўйлайсан, лекин уни тўхтата олмайсан, тўхтата олмайсан. Унга имкон қолдиришингиз билан гол уради."

Верстаппен 2022 йилги жаҳон чемпионатида Нидерландияга қарши ўйиннинг ўзига хос лаҳзасига ишора қилди, ўшанда Месси Наухель Молинага кичик бўшлиқдан аниқ узатма амалга оширган ва Аргентина 2:2 ҳисобида дуранг ўйнаган.

Унинг сўзларига кўра, ушбу ассист аргентиналик 10-рақам эгасини тўхтатиб бўлмаслигини исботлайди.

"Ўтган жаҳон чемпионатида у Нидерландияга қарши тўпни ўйнатгани, шунчаки... буни ҳимоя қилиб бўлмайди", - дея хулоса қилди Макс.

Мессининг ҳозирги ўйинлари унинг жаҳон чемпионатида иштирок этишига шубҳа қилинаётган бўлса-да, яна бир мундиалга тайёрлигини кўрсатмоқда.

Аргентина Мавританияга қарши қийин ўйин ўтказди, аммо Месси Замбия устидан қозонилган ғалабада гол уриб, 90 дақиқа майдонда ҳаракат қилди.

"Интер Майами"га қайтгач, у “Остин”га қарши 2:2 ҳисобидаги дуранг ўйинда ҳам гол урди ва бу унинг формаси футболнинг энг йирик турнирига йўл олишда кучли эканлигини тасдиқлади.