"Вест Хэм" устози: "Ҳакамлар биздан узр сўраши керак"

"Вест Ҳэм" бош мураббийи Дэвид Мойес кеча "Ливерпуль"га қарши ўйинни бошқарган ҳакамлардан норози бўлди.

Шотландиялик мутахассиснинг фикрича, унинг жамоаси тоза пенальтидан маҳрум бўлди. ВАР кеча "Вест Хэм"нинг голини ҳам бекор қилганди. Учрашув Клооп шогирдларининг 1:2 ҳисобидаги ғалабаси билан якунланди.

"Энг қийини ВАР томонидан ҳурмацизликни қабул қилиш. Улар биздан тоза пенальтини олиб ташлади. Мониторда ўтирган ҳакамлар бош ҳакамга эпизодни бориб кўринг ҳам дейишмади. Ҳакамлар “Вест Хем”дан узр сўрашлари керак. Англия премьер-лигасида ўз ўрнини сақлаб қолиш учун бизга очко керак", - деди Мойес матбуот анжуманида.