Видаль нега "Барселона" машғулотларидан ўзбошимчалик билан кетиб қолди?

"Барселона" клуби ярим ҳимоячиси Артуро Видаль "Реал"га қарши бўладиган ўйиндан олдин ўзбошимчалик билан машғулотларни тарк этди. Бу ҳақда ESPN нашри хабар бермоқда.

Юқоридаги манбаага кўра бунга жамоа бош мураббийи Эрнесто Вальверденинг уни “эл-класико”да асосий таркибга киритмагани сабаб бўлган. Жамоадошлари Видални машғулотларни давом эттиришга чақиришган, бироқ, бу фойда бермаган.

Маълумот учун, 32 ёшли Видаль жорий мавсум “Барселона” сафида 17 та ўйинда майдонга тушди ва 4 та гол ҳамда 1 та голли узатма ёздириб қўйишга эришди. Унинг клуб билан амалдаги шартномаси 2021 йилга қадар имзоланган.