Vidal "to‘ymayapti"

“Barselona” xavbeki Arturo Vidal yana La Ligada g‘olib chiqib, ketma-ket 9-marta chempion bo‘lmoqchi.

“Men qatorasiga to‘qqizinchi marta chempion bo‘lishni xohlayman, chunki, bunday natijaga erishish juda qiyin. Bu juda kam futbolchiga nasib etgan va men bundan faxrlanaman. To‘qqizinchi chempionlikni “Barselona”da qo‘lga kiritishimga umid qilaman”, - deydi chililik futbolchi.

Eslatib o‘tamiz, “Barselona” ayni damda La Ligada peshqadamlik qilmoqda. Kataloniyaliklar 2-o‘rindagi “Real”ni 2 ochkoga ortda qoldirishyapti.