Виллиан учун Италия грандидан қизиқиш пайдо бўлди

"Ювентус" клуби мавсумлар оралиғида "Челси" вингери Виллианни таркибга қўшиб олиши мумкин.

Sport Mediaset нашри тарқатган хабарга кўра, агар 31 ёшли бразилиялик футболчи “аристократлар” билан амалдаги шартномасини узайтирмаса ва эркин агентга айланса, туринликлар унга таклиф юборишлари мумкин.

Виллиан жорий мавсум “Челси” сафида 37 та ўйинда майдонга тушди ва 7 та гол ҳамда 6 та голли узатмага муаллифлик қилди. Унинг клуб билан амалдаги шартномаси эса ёзда ўз ниҳоясига етади.