Виллиан Хитой клубидан бўлган таклифни рад этди
"Челси" вингери Виллиан Хитойнинг "Шанхай Шэньхуа" клубидан бўлган таклифни рад этди.
UOL Esporte нашри тарқатган хабарга кўра хитойликлар 30 ёшли бразилиялик футболчи учун “аристократлар”га 20 миллион евро таклиф қилишган. Унинг ўзига эса 3 йиллик шартнома ва йилига 12 миллион евро маош ваъда қилишган.
Эслатиб ўтамиз, Виллианнинг “Челси” билан амалдаги шартномаси 2020 йилга қадар имзоланган. У ўтган мавсум АПЛда 32та ўйинда майдонга тушди ва 3та гол ҳамда 7та голли узатмага муаллифлик қилишга эришди.
Фикрлар