"Vilyarreal" - "Atletiko": Matnli translyatsiya

Ispaniya La Ligasi 25-turidan o‘rin olgan "Vilyarreal" - "Atletiko" bahsiga xush kelibsiz. O‘yinni saytimiz orqali matnli ko‘rinishda kuzatib borishingiz mumkin. Matnli translyatsiyani Abdulla Mannonov olib boradi.

• 90+2'
  

  Учрашув якунланди! "Атлетико" сафарда ишончли ғалабани қўлга киритди. Матнли трансляцияда Абдулла Маннонов сиз билан бирга бўлди. Эътиборингиз учун раҳмат!

• 90+'
  

  Учрашувга 2 дақиқа вақт қўшиб берилди.

• 86'
  

  Парехо такрорий бурчак зарбасини ижро этади.

• 85'
  

  Бучакдан тўпни "Вильярреал" ўйинга киритиб беради.

• 83'
  

  "Атлетико"да ўзгариш: Анхел Корреа ўрнига Лукас Торрейра ўйинга қўшилди.

• 82'
  

  Дани Парехо бурчакдан тўпни ўйинга киритиб беради.

• 81'

  Хаумега нисбатан ўйин қоидаси бузилди. Ҳакам жарима зарбаси белгилади.

• 76'
  

  Луис Суарез ўрнига Жеффери Кондогбиа ўйинга қўшилди.

• 73'

  Сауль тўпга қўпол чиқиб келди, подкат қаттиқ бўлгани боис у оғзаки огоҳлантириш олди.

• 72'
  

  "Вильярреал"да навбатдаги ўзгариш: Мануэль Тригерос ўрнига Алехандро Баена ўйинга қўшилди.

• 71'
  

  Этьен Капу ўрнига Хауме ўйинга қўшиладиган бўлди.

• 69'
  

  ГОООООООООООООООООООООЛЛЛ!!! Фелиш тўпни жарима майдончаси чизиғи устида қабул қилиб олди ва зарба берди, тўп дарвозанинг яқин бурчагидан жой олди, дарвозабон унинг олдида ожиз қолди. 0-2!

• 67'
  

  Навбатдаги бурчак зарбасини Самуэль Чуквезе ижро этади.

• 66'
  

  Парехонинг ўзи тўп олдида.

• 65'

  Моренонинг зарбаси ҳимоячилар томонидан тезкорлик билан бартараф этилди. Такрорий бурчак зарбаси.

• 65'
  

  Бурчакдан тўпни Дани Парехо ўйинга киритиб беради.

• 64'

  Марио Эрмосо билан ҳам худди шундай ҳолат юз берди. У ҳам ҳужум пайтида тўпга қўли билан тегиб юборди.

• 62'

  Мезбонлар ҳужуми пайтида Карлос Бакка тўпга қўли билан тегиб юборди. Фол.

• 61'
  

  "Вильярреал"да навбатдаги ўзгариш: Альфонсо Педраза ўрнига Первис Эступинан ўйинни давом эттирадиган бўлди.

• 60'
  

  Ўзгариш: Мойсес Гомез ўрнига Карлос Бакка ўйинга қўшилди.

• 58'

  Мануэль Тигерос ўта қўпол ўйин намойиш этди. Жарима тўпи.

• 55'
  

  Коке бурчакдан тўпни тезкорлик билан ўйинга киритиб берди, дарвозабон Серхио Асенхо тўпга ҳаммадан биринчи чиқиб келди.

• 53'
  

  Фелипе офсайдда қолиб кетди.

• 51'
  

  Қўпол подкати учун Рауль Албиол сариқ карточка билан огоҳлантирилди.

• 50'

  Самуэль Чуквезе дарвоза томон юра бошлаган эди, бироқ ҳимоячилар уни тўхтатиб қолди.

• 47'
  

  Саул қўпол фоли эвазига сариқ карточка билан огоҳлантирилди.

• 46'
  

  "Атлетико"да ўзгариш: Томас Лемар ўрнига Жоау Фелиш ўйинга қўшилди.

• 46'
  

  Иккинчи бўлим бошланди!

• 45'

  Футболчилар майдонга қайтишмоқда. Биз ҳам қайтамиз.

• 45+6'
  

  Биринчи бўлим якунланди! Танаффус.

• 45+4'
  

  Томас Лемар бу фоли учун сариқ карточка олди.

• 45+3'

  Ҳакам бу вазиятда ВАРга мурожаат қилади. Чуквезэга нисбатан ишлатилган фол қизил карточкага лойиқ кўрилиши мумкин.

• 45+2'
  

  Ўйин тўхтатилди. Самуэль Чуквезе жароҳат олди шекилли, у майдонда тиббий ёрдам олмоқда.

• 45'
  

  Биринчи бўлимга 2 дақиқа вақт қўшиб берилди.

• 42'

  Альфонсо Педраза хавфли ўйнади.

• 40'

  Херар Морено жарима майдончаси ичига ёриб кирди ва дарвозага зарба йўллади, бироқ тўп дарвозагача етиб бормай, ҳимоячилар томонидан блокланди.

• 39'

  "Вильярреал" ўйинни назорат қилмоқда.

• 36'
  

  Мойес Гомез бурчакдан тўпни ўйинга киритиб беради.

• 36'
  

  Жарима зарбасидан сўнг Херар Морено тўпни боши билан дарвозага йўллади, Ян Облак ажойиб сейви билан тўпни бурчакка чиқариб юборди.

• 35'
  

  "Атлетико" аъзоси Фелипе қўпол ўйини сабаб сариқ карточка билан огоҳлантирилди.

• 34'

  Альфонсо Педраза ҳужумда фол қайд этди.

• 33'

  Мануэль Тригорес қўпол ўйини учун ҳакам томонидан оғзаки огоҳлантирилди.

• 32'
  

  Хауме қўпол ўйини учун сариқ карточка билан огоҳлантирилди.

• 27'

  Гол инобатга олинди. Барчаси жойида экан.

• 26'

  Такрорий лавҳада офсайд бордек кўринди. Бош ҳакам гол ростан урилганини текшириш учун ВАРга мурожаат қилмоқда.

• 25'
  

  ГОООООООООООЛЛЛ!!! Альфонсо Педраза кутилмаганда ўз дарвозасини ишғол қилиб қўйди! 0-1!

• 24'
  

  Бурчакдан тўп ўйинга киритиб берилади.

• 24'

  Сауль тўпни ичкарида қабул қилиб олди ва чапроққа юриб зарба берди! Тўп ҳимоячилардан бирига тегиб майдон ташқарисига чиқиб кетди.

• 21'
  

  Мойсес Гомез навбатдаги бурчак  зарбасини ижро этади.

• 18'
  

  Мойсес Гомезнинг бурчакдан узатган тўпини ҳимоячилар узоқлаштирди.

• 17'

  Альфонсо Педразанинг узун паси охир-оқибатда бурчак тўпи ишланишига сабаб бўлди.

• 15'

  Дани Парехо қанотдан тўпни ичкарига етказди, бироқ Ян Облак тўпга ҳаммадан эрта чиқиб келди.

• 12'

  Маркос Льоренте жарима майдончаси ичига тўпни узатиб берди, ҳимоячилар фаоллик кўрсатиб, уни узоқлаштирди.

• 10'
  

  Мойсес Гомез бурчакдан тўпни ўйинга киритиб беради.

• 9'

  Альфонсо Педразанинг шунча ҳаракати бесамар кетди, ҳимоячилар узатмани бартараф этди.

• 5'

  "Вильярреал" яхши позицион ҳужум ташкил этмоқда. Футболчилар бир-бирига чиройли пас етказиб беришмоқда.

• 2'

  Саульнинг паси ўзи ўйлаганидек чиқмади. Ҳужум давом этади.

• 1'
  

  Учрашув бошланди!

• 0'

  Футболчилар майдонга чиқиб келишмоқда. Ла Лига мадҳияси янгради.

• 0'

  Ассалому алайкум, қадрли футбол ихлосмандлари! Испания Ла Лигаси 25-туридан ўрин олган "Вильярреал" - "Атлетико" баҳси бошланиш арафасида. Ўйинни сайтимиз орқали матнли трансляцияда кузатиб боринг. Учрашувда сиз билан Абдулла Маннонов бирга бўлади.