"Вильярреал" устози: Менимча, Рамос ва Каземиро майдонда бўлганида ҳам, натижани ўзгартира олмасди
Ла Лига 10-туридан ўрин олган "Вильярреал" - "Реал" учрашувидан кейин мезбонлар бош мураббийи Унаи Эмери ўйин ҳақида ўз фикрлари билан ўртоқлашди:
"Хато туфайли гол ўтказиб юбордик. Ён ҳакамнинг қарори бизни ажаблантирди. Аввалига саросимага тушдик. Бироқ секин-асталик билан ўз ўйинимизни топиб олдик ва "Реал" жарима майдонига яқинлашдик. Чемпиондан очко олиш қониқарли натижа.
Бироқ беллашувнинг боришига қараб, ғалабага ҳақли эдик деган фикрдаман. Биз ривожланишда давом этишимиз шарт. Аслида, бу баҳсга яхши тайёргарлик кўргандик. Менимча, Рамос ва Каземиро майдонда бўлганида ҳам, натижани ўзгартира олмасди".
Фикрлар