Винисиус - энг яхши ёш футболчи!

“Реал”нинг бразилиялик ҳужумчиси Винисиус Жуниор Чемпионлар лигасининг “энг яхши ёш футболчиси” дея топилди. Бу ҳақда УEФА матбуот хизмати хабар тарқатди.

Жорий мавсумда Винисиус ЕЧЛ доирасидаги 13 та ўйинда майдонга тушиб, 4 та гол ва 6 та голли узатмани муаллифига айланган.

Эслатиб ўтамиз, Винисиус Жуниор Чемпионлар лигаси финалида ҳам ғалаба голи муаллифига айланганди. Англия вице-чемпиони “Ливерпуль”га қарши кечган учрашувнинг 59-дақиқасида бразилиялик форвард Алиссон дарвозасига гол уриб, Мадрид грандига чемпионликни тақдим этди.