Винисиус: "Хакими охирги икки мавсумда Чемпионлар Лигасини ютиб келяпти"

Бразилия миллий терма жамоаси вингери Винисиус Жуниор Марокашга қарши учрашув олдидан ўз фикрларини билдирди.

Унинг таъкидлашича, Марокаш ҳозирги кунда жуда кучли рақиб ҳисобланади ва бразилиялик футболчи бу фикрини бир неча далиллар билан асослади.

«Албатта, Марокашнинг сўнгги йилларда қандай ўсганини инобатга олиш керак. Фақат ўтган жаҳон чемпионатини эслашнинг ўзи кифоя — улар тўртта энг кучли жамоа қаторига киришди. Кейин эса Африка Миллатлар Кубогининг сўнгги босқичида ғолиб чиқишди.

Таркиби ҳам жуда кучли: мен ҳар куни “Мадрид”да Браим Диас билан бирга машғулот ўтказаман, Хакими эса охирги икки мавсумда Чемпионлар Лигасини ютиб келяпти — бундан ортиқча гап йўқ», — деди Винисиус.

Жаҳон чемпионатидаги илк ўйинда Бразилия Марокашга қарши майдонга тушади. Гуруҳ босқичида Карло Анчелотти шогирдларининг қолган рақиблари Гаити ва Шотландия терма жамоалари бўлади.