Винисиус ЖЧ фаворитларини санади. Улар орасида Бразилия йўқ

Мадриднинг "Реал" клуби қанот ҳужумчиси Винисиус Жуниор жаҳон чемпионати - 2026 олдидан энг кучли терма жамоаларни санаб ўтди. Бразилияликнинг сўзларига кўра, бундай терма жамоалар қаторига Аргентина, Франция, Испания ва Португалия киради.

"Жаҳон чемпионати олдидан энг яхши жамоалар? Улар кўп. Менга Португалия, Испания, Франция ва Аргентинанинг ўйини ёқади. Бу тўрт жамоа энг яхши, улар сўнгги жаҳон чемпионатидан бери деярли ўзгаришсиз қолмоқда", - дея Винисиуснинг сўзларини келтиради Madrid Xtra Х ижтимоий тармоғида.

Жаҳон чемпионати - 2026 2026 йил 11 июндан 19 июлгача АҚШ, Мексика ва Канадада бўлиб ўтади. ЖЧнинг амалдаги ғолиби Аргентина терма жамоаси ҳисобланади.