Винисиус Жуниор: "Анчелотти мендан 10-рақамни кийишни сўради"

Мадриднинг "Реал" клуби ҳужумчиси Винисиус Жуниор Бразилия терма жамоасида нега 10-рақамда ўйнашга рози бўлгани ҳақида гапирди.

"CazeTV" нашрига берган интервьюсида футболчи бу қарор Карло Анчелоттининг таклифи билан қабул қилинганини маълум қилди.

"Анчелотти мендан 10-рақамни кийишни сўради. Бошқа футболчига ортиқча босим тушмаслиги учун шундай қилди. У таклиф қилди ва мен қўрқмасдан қабул қилдим", — деди Винисиус.

Винисиус 2019 йилдан бери Бразилия терма жамоасида ўйнаб келмоқда. У шу пайтгача 47 та ўйинда 8 та гол урган. Жамоа таркибида у 2021 йилги Америка кубогида иккинчи ўринни эгаллаган.