Винисиус Мбаппенинг “Реал”га келишига қарши чиқяпти

“Реал”нинг ҳозирги етакчиси Винисиус Жуниор жамоада Килиан Мбаппени кўришни истамаётганини очиқ айтди.

Европа матбуоти анчадан бери франциялик юлдузнинг келаси ёз “Реал”га кўчиб ўтиши ҳақида ёзмоқда.

Todofichajes нашрининг ёзишича, Винисиус Мбаппенинг жамоага келиши унинг “Сантьяго Бернабеу”нинг асосий юлдузига айланишига ҳалақит қилади, деб ҳисобламоқда. Қолаверса, бразилиялик ҳужумчи бу трансфер унинг “Олтин тўп”ни қўлга киритиш имкониятини пасайтириб юборишидан хавотирга тушган.

Агар “Реал” Килиан Мбаппенинг трансферини амалга оширадиган бўлса, Винисиус Жуниор жамоани тарк этишга тайёрлиги билдиргани айтилмоқда.