Винисиус Неймарни эмас, Бенземани танлади

"Реал" ва Бразилия терма жамоаси вингери Винисиус Жуниор франциялик ҳужумчи Карим Бензема 2022 йилги "Олтин тўп"ни қўлга киритиши кераклигини айтди. Аввалроқ, у ПСЖ ҳужумчиси Неймар ҳам ушбу учун муносиб эканлиги ҳақида гапирганди.

- Мен Неймарнинг "Олтин тўп"ни қўлга киритиши кераклиги ҳақидаги сўзларимдан афсусланмайман. Аммо, ҳозир бу мукофотга Бенземадан лойиқроқ футболчини кўрмаяпман, - деди Винисиус “Goal” нашрига берган интервьюсида.

Бензема "Реал" билан Чемпионлар лигасида ғолиб чиқди. “Қаймоқранглилар” финалда "Ливерпуль"ни 1:0 ҳисобида мағлуб этиб, олтин медалга эга чиқди. Франциялик фаолияти давомида бешинчи марта ушбу кубокни қўлга киритди.

Шунингдек, Карим Чемпионлар лигасининг “энг яхши футболчиси”га, унинг жамоадоши Винисиус Жуниор эса турнирнинг “энг яхши ёш футболчиси”га айланди.