Винисиус "Реал" мухлисларининг хуштакбозликлари ҳақида: "Барибир тушунмаяпман..."

Мадриднинг "Реал" клуби ҳужумчиси Винисиус Жуниор мухлислар томонидан клуб футболчиларининг ҳуштакбозлиги билан боғлиқ вазият ҳақида гапирди. Аввалроқ, Ла Лиганинг 20-туридан ўрин олган "Леванте"га (2:0) қарши ўйинда Винисиусга трибунадан ҳуштак чалинган эди.

"Жуда хафа бўлдим. Ўзимни жуда қулай ҳис қиладиган уйларда ҳуштак чалишларини хоҳламайман. Сўнгги бир неча ўйинда ўзимни бундай ҳис қилмагандим. Ҳар гал ёмон ўйнаганимда, бирор ножўя иш қилганимда ҳуштакбозлик қилишарди. Албатта, бунга уларнинг ҳаққи бор. Улар чипта учун катта пул тўлашади. Барибир тушунмаяпман... Аммо мен бу клуб учун курашни давом эттириш учун шу ердаман", - дея Винисиуснинг сўзларини келтиради Mundo Deportivo.

Кеча, 20 январь куни Мадрид клуби УЕФА Чемпионлар лигасининг 7-туридан ўрин олган "Монако"га қарши баҳс олиб борди ва 6:1 ҳисобидаги ишончли ғалабани қўлга киритди. Винисиус Жуниор битта гол ва учта ассистни ўз ҳисобига ёздириб қўйди.