Винисиус "Реал"ни текинга тарк этиши мумкин — футболчининг режалари маълум

Мадриднинг "Реал" клуби ҳужумчиси Винисиус Жуниор билан амалдагӣ шартнома яна бир йилдан сўнг ўз кучини йўқотади.

Diario AS нашри ёзишича, бразилиялик футболчи ёзги трансфер ойнасидан қатъи назар, жамоада қолиш ва амалдаги шартномасини охиригача бажаришга қарор қилган. Винисиус келажагини "Реал" билан боғлашни истайди, бироқ музокаралар вақтида клуб раҳбарияти унинг шартларини қабул қилмаса, келаси ёзда эркин агент сифатида жамоани тарк этишга ҳам тайёр.

Манбага кўра, Винисиус маош борасидаги дастлабки талабларини сезиларли даражада пасайтирган, аммо "Реал" томонидан кутилган даражада муросага тайёрлик кўзга ташланмаяпти. Бир пайтлар томонлар келишувга жуда яқин турган, аммо кейинчалик музокаралар яна тўхтаб қолган. Янги раунд суҳбатлар жаҳон чемпионати якунланганидан сўнг давом эттирилиши кутилмоқда.