Vitaliy Levchenko "Nasaf"ni yutganidan so‘ng: "Ichki muammolarimiz bor, shu bois xursand emasman"

Superligada 25-tur o‘yinlari davom ettirildi. "Neftchi" o‘z maydonida "Nasaf"ni qabul qildi va 2:0 hisobida g‘alaba qozondi. Bellashuvdan so‘ng jamoa bosh murabbiyi Vitaliy Levchenko matbuot anjumanida ishtirok etdi.

- Birinchi navbatda Nasaf"ni va Ro‘ziqul Berdievni chempionlik bilan tabriklayman. Ular uzoq yillar davomida bu narsaga etib kelishdi. Shuningdek, Chempionlar ligasida ham omad tilayman. Yaxshi o‘yin ko‘rdik. Ularda biroz emotsiya yo‘q ekanligi sezildi. Guruhdan chiqish vazifasini bajarishlariga tilakdoshman. Bugun biz haqli ravishda g‘alaba qozondik. Bundan juda ham xursandman. 

- Nega kayfiyatingiz yo‘q?

- Ichki muammolar bor. Shu bois xursand emasman. 

- "Neftchi"da yoshlar yordamida yangi nomlarni kashf qilish rejangizda bormidi? 

- "Nasaf" o‘z akademiyasiga ega. U erda bir necha yillardan beri tizim ishlayapti. Ularda yoshlar bor. Bizda akadamiya bormi? Sharoitlar bormi? Bizda shu bois yoshlar yo‘q. Agar bu masala ko‘tarilsa, ularga sharoit yaratib berish va ishni yo‘lga qo‘ya oladigan mutaxassislar kerak. Bu tizim yaxshi ishlamas ekan, U17, U19, U21 jamoalaridan yoshlarning etishib chiqishi murakkablashib boraveradi.