Волкановски - Топурия жангида ким фаворит? Холлоуэй бу саволга жавоб берди

Ярим енгил вазн тоифасида собиқ UFC чемпиони Макс Холлуэй 17 февраль куни Анахаймдаги "UFC 298" турнирида амалдаги камар соҳиби Александр Волкановски ва Илья Топурия жанги ҳақида ўз тахминларини билдирди.

"Агар Волкановски тўлиқ тайёргарликдан ўтиб келса ва ҳеч қандай жароҳати ёки бошқа муаммолари бўлмаса, унга қарши чиқиш қийин. Шунга қарамай, сизни нима кутаётганини ҳеч қачон билмайсиз. Топурия ёш жангчи, шунинг учун ҳаммаси қандай кечишини кўрамиз. Бу ММА. Биз ММА да ақлдан оздирадиган даражадаги натижаларга ҳам гувоҳ бўлдик", – дея Холлоуэй сўзларини келтиради ММА Junkie.