Возинья, Месси ва Холанд ЖЧ-2026 1-тури рамзий жамоасига киритилди

2026 йилги жаҳон чемпионати гуруҳ босқичи биринчи туридан сўнг Opta таҳлилий платформаси турнинг рамзий жамоасини эълон қилди. Унга Кабо-Верде терма жамоаси дарвозабони Возинья, Аргентина ҳужумчиси Лионель Месси ва Норвегия терма жамоаси форварди Эрлинг Холанд киритилди.

Рамзий жамоа таркибига шунингдек қуйидаги футболчилар ҳам кирди: ҳимоя чизиғида Антони Робинсон (АҚШ), Амир Мурильо (Панама), Гарри Суттар (Австралия) ва Педро Лопес (Кабо-Верде) жой олди. Ярим ҳимояда Уэстон Маккенни (АҚШ), Айюба Буадди (Марокко) ва Ян Диоманда (Кот-д’Ивуар)дан иборат учлик шакллантирилган. Ҳужум чизиғида эса Месси ва Холандга Франция юлдузи Килиан Мбаппе ҳамроҳлик қилади.

Месси Жазоирга қарши учрашувда (3:0) хет-трик қайд этди. Холанд Ироқ дарвозасига иккита гол урди (4:1), Мбаппе эса Сенегал билан ўйинда (3:1) дубл муаллифи бўлди. Возинья Испанияга қарши баҳсда (0:0) етти марта дарвозасини қутқариб қолди ва учрашувнинг энг яхши ўйинчиси деб топилди.