"Вулверхэмптон" АПЛ тарихида ноёб рекорд ўрнатди

"Вулверхэмптон" футболчилари АПЛнинг 35-турида "Брайтон"га қарши баҳсда бирорта ҳам ўйин қоидасини бузишмади.

Эътиборлиси, "Вулверхэмптон" премьер-лигада ўйин қоидаларини бузиш бўйича статистика ҳисобланиши бошланган вақтдан буён, яъни 2003/04 йилги мавсумдан буён бир ўйинда умуман ўйин қоидасини бузмасдан ўтказган илк жамоа бўлди. Қайд этиш лозимки, 2003/04 йилги мавсумдан буён шу кунгача АПЛда 6064та ўйин бўлиб ўтди.

Маълумот учун, "Вулверхэмптон" премьер-лига мусобақа жадвалида 48 очко билан 10-поғонани эгаллаб турибди.