"Вулверхэмптон" жаҳон чемпиони учун харидор

"Вулверхэмптон" "Атлетико" футболчиси Тома Лемар учун курашга қўшилди. Бу ҳақида AS нашри хабар бермоқда.

24 ёшли хавбек 2018 йилда мадридликлар сафига қўшилган эди. Аммо Лемар ўзи учун тўланган 70 млн еврони оқлай олмади ва "матрасчилар" ундан тезроқ қутилиш ниятида унинг трансфер нархини бироз пасайтирди.

"Бўрилар" майдон марказига клуб фалсафасига мос келувчи футболчи олиб келмоқчи. Шу сабабли, 2018 йил жаҳон чемпионлигини қўлга киритган ярим ҳимоячи трансфери тез орада амалга ошиши мумкин.