«Vulverxempton» meksikalik hujumchini qo‘lga kiritdi

Meksika terma jamoasi sobiq forvardi Raul Ximenes yana Tumanli Albionga yo‘l oldi. 35 yoshli hujumchi «Vulverxempton» bilan yangi shartnoma imzoladi.

Klub matbuot xizmati xabariga ko‘ra, kelishuv ikki yilga mo‘ljallangan bo‘lib, yana bir mavsumga uzaytirish imkoniyatini ham nazarda tutadi.

Raul Ximenes uchun «Vulverxempton» yangi jamoa emas. U 2018–2023 yillar oralig‘ida «bo‘rilar» sharafini himoya qilgan, jami 166 uchrashuvda maydonga tushib, raqib darvozasini 57 marta ishg‘ol etgan.

Eslatib o‘tamiz, o‘tgan mavsum yakuniga ko‘ra Angliya premier-ligasida «Vulverxempton» 20 ochko jamg‘arib, turnir jadvalida so‘nggi o‘rinni egalladi. Shu bois klub kelasi mavsumni Chempionship divizionida boshlaydi.