"Вулверхэмптон" "Реал" ярим ҳимоячисига қизиқиш билдирмоқда

"Реал" ярим ҳимоячиси Дани Себальосни "Вулверхэмптон" ўз таркибига қўшиб олмоқчи. Бу ҳақда "90 MIN"  нашри хабар берди. Футболчининг мадридликлар билан амалдаги шартномаси мавсум сўнггида ўз ниҳоясига етади. Агарда у клуб билан битимни узайтира олмаса, эркин агент сифатида бошқа жамоага ўтиши мумкин. 

Испнаниянинг бир қатор манбалари маълум қилишича, Себальос Анчелотти ишончига кирган ва янги шартномага қўл қўяди. 

Данига Премьер-лигадан "Бўрилардан" ташқари "Арсенал" ва "Тоттенхэм" клублари ҳам қизиқиш билдирмоқда. Аввалроқ, 26 испан "Атлетико" таклифини рад қилганди.