VVFC-4 турнирида "Титанлар жанги" бўлади ёхуд бир нечта қарама-қаршиликлар маълум! (Постер)

Хабар бериб ўтганимиздек, 29 сентябрь куни Тошкент шаҳрида "Шарқ жангчилари лигаси" яъни, "VVFC-4" турнири ташкил этилади. Ушбу оқшомда ажойиб жангларни гувоҳига айланамиз. 

Маълумки, кечанинг асосий тўқнашуви тожикистонлик "Метро Люблино" номи билан машҳур Саймўмин Мадиев ҳамда ўзбекистонлик мағлубият билмай келмаётган Раҳим Раджабалиев ўртасида бўлиб ўтади. 2-марказий жанг эса, Элдор Эронов ҳамда Бобур Абдулазизов ўртасида ташкил этилади. 

Ташкилотчиларнинг сайтимизга маълум қилишича, "файт-кард"ддан ўрин олган яна бир қарама-қаршилик маълум бўлиб улгурган. Яъни, оғир вазн (120, 2 кг) тоифасида ҳамюртимиз Ҳумоюддин Мухторов тожикистонлик Умед Раҳматуллоев билан баҳс юритади. Шунингдек, ярим ўрта вазн (77.1 кг) тоифасида Нодир Эгамбердиев (1-0) қирғизистонлик Мелисбек Уулу Марлис (2-1) билан тўқнаш келса, ярим енгил вазн (65.8 кг) тоифасида эса икки ҳамюртимиз Ботир Ҳайитбоев (1-0) ва Рамзиддин Омонов (4-3) октагонга кўтарилади. 

Тез орада тўлиқ "файт-кард" маълум бўлади. Воқеалар ривожини бизда кузатиб боринг!