WADA президенти Россия терма жамоасининг Евро-2020 да иштирок этиш ёки этмаслигига ойдинлик киритди

Бутунжаҳон антидопинг агентлиги (WADA) президенти Витольд Банька Россия терма жамоасининг Евро-2020 дан четлатиши мумкинлиги борасида тарқалган хабарларга ўз муносабатини билдириб ўтди.

“WADAнинг тавсияси фақатгина Олимпия ва Паралимпия ўйинлари, Европа ўйинлари ва Жаҳон чемпионатига таалуқли. Шу боис Россия терма жамоасини Евро-2020 дан маҳрум этиш имконсиз”, - дейди Банька.

Эслатиб ўтамиз, бундан аввалроқ Россия спортчилари 4 йилга ҳар қандай халқаро турнирлардан четлатилиши мумкинлиги борасида хабарлар тарқалган эди.