WBO буйруқ берди: Бектемир Мелиқўзиев вазнида чемпионлик жанги ташкил этилади

Супер ўрта вазн тоифасида  WBO чемпиони Хамза Шеэраз қозоғистонлик Жанибек Алимханулыга қарши рингга кўтарилади. WBO мазкур жангни ташкил этишни буюрди. Музокаралар учун эса бир неча ҳафта вақт ажратилди. Бу ҳақда ESPN нашри хабар бермоқда.

"Алимханулыда ўтган йили допинг аниқланганди. Бироқ узоқ муддатга дисквалификация қилинишидан олдин Жанибек WBO га керакли тиббий ҳужжатлар ва маълумотларни тақдим этди. Қўмита эса якунда қозоғистонлик боксчи WBO қоидаларини бузмаган деб топди", - дейилади ташкилот баёнотида.

Эслатиб ўтамиз, таниқли чарм қўлқоп устамиз Бектемир Мелиқўзиев WBO нинг супер ўрта вазн тоифаси рейтингида 7 ўринни эгаллаб турибди.