"WhoScored" рейтинги: 2017/18 йилдан буён энг кўп аниқ голли имкониятни йўқотган футболчилар

Машҳур статистик портал "WhoScored" 2017/18 йилги мавсумдан буён Европанинг кучли беш чемпионатида энг кўп аниқ голли вазиятларни самарасиз якунлаган футболчилар рейтингини эълон қилди.

Унга кўра, биринчи ўринни шу вақт ичида "Бавария" ва "Барселона" сафида ўйнаган Роберт Левандовски эгаллаб турибди. Польшалик ҳужумчи ҳисобида 218 та йўқотилган яққол голли имконият бор.

Иккинчи поғонадан Килиан Мбаппе жой олган. У ПСЖ ва Мадриднинг "Реал" клубларида тўп тепган давр мобайнида 184 та шундай имкониятдан фойдалана олмаган.

Учинчи ўрин эса "Ливерпуль" юлдузи Муҳаммад Салоҳга насиб этган — 161 та.

Кучли бешликдан яна қуйидаги футболчилар ўрин олган:

— Эрлинг Холанд — 137 та
— Лаутаро Мартинес — 119 та

Қизиғи шундаки, рўйхатнинг юқори қисмида айнан энг кучли ҳужумчилар жой олган. Бу эса уларнинг кўп имконият яратишини, табиий равишда баъзи вазиятларни йўқотишини ҳам кўрсатади. Шу билан бирга, айнан шу футболчилар мунтазам равишда гол уришда ҳам етакчилар қаторида.