"World Boxing" ташкилоти кубоги. Илк кунда 2 нафар боксчимиз мусобақани тарк этди, бир нафари эса кейинги босқичга йўл олди

Хитойнинг Гуиянг шаҳрида бокс бўйича Жаҳон кубоги старт олди ва терма жамоамиздан биринчи бўлиб, -80 кгдаги вакиламиз Рухшона Парпиева рингга кўтарилди. У франциялик Давина Мишелга қарши баҳс юритди ва афсуски 0:5 ҳисобида имкониятни бой бериб қўйди.

-54 кг вазн тоифасида Азиза Ёқубова ҳиндистонлик Поонам билан курша олиб борди. Биринчи раундни ўз фойдасига ҳал қилган Ёқубова қолган 2 раундда имкониятни бой бериб қўйди. Якуний ҳисоб 0:5 кўриниш олди.

Жаҳон кубогининг бугунги кун дастуридан ўрин олган, сўнги вакилимиз Арман Маханов иштирокидаги жанг ҳам ўз якунига етди. У болгариялик Кирил Георгиевга қарши рингга кўтарилди. Бутун жанг мобайнида катта устунликка эришган Маханов 5:0 ҳисобида ғалаба қозонди ва кейинги босқичга чиқди.

Бу ҳақда Ўзбекистон бокс федерацияси хабар бермоқда.