Хаби Алонсо: "Бу аниқ пенальти эди"

"Реал" бош мураббийи Хаби Алонсо жамоаси фойдасига аниқ пенальти белгиланмаганини таъкидлади.

Ла Лиганинг 16-тури доирасида мадридликлар сафарда "Алавес"ни 2:1 ҳисобида мағлуб этди. Учрашувни Виктор Гарсия Вердура бошчилигидаги ҳакамлар бригадаси бошқарди.

86-дақиқада меҳмонлар вингери Винисиус "Алавес" жарима майдонида Науэль Тенальянинг оёққа зарбасидан кейин ерга йиқилди. Бироқ бош ҳакам пенальти белгиламади, ВАР эса арбитрни монитор олдига чақирмади.

— Ўйин жуда кескин кечди. Биз учрашувни жуда яхши бошладик, кейинроқ тўп назоратини йўқотдик. Иккинчи таймни ҳам яхши ўтказдик, имкониятлар яратдик.

Биз Вальдепеньяс хато қилган ягона эпизодда гол ўтказиб юбордик. Жамоа жуда кучли рақибга қарши характер кўрсатиб, яхши ўйнади. Иккинчи гол бизга уч очко олиб келди ва мен жуда хурсандман.

Мен ҳакам ҳақида эмас, айнан эпизод ҳақида гапирмоқчиман. Менимча, бу аниқ пенальти эди ва уни ВАР орқали қайта кўриб чиқишмагани мени ҳайрон қолдирди. Гарчи, умуман олганда, бунга ҳам ажабланмадим, — деди Алонсо.