Хаби Алонсо "Реал" юлдузлари ҳақида илк фикрларини билдирди

Хаби Алонсо "Реал"нинг юлдуз футболчилари ҳақида илиқ фикрлар билдирди.

Беллингем ҳақида:

"У катта майдонни қамраб олишга қодир, лекин тўғри позициядан бошлаши керак. Унинг характери ярим ҳимоячига хос ва у жарима майдонида бўлиши учун зарур бўлган фазилатларга эга. Жуд қаердан ҳаракат бошлашини тўғри танласа, бу унга ҳам, жамоага ҳам фойда беради, чунки у муҳим кўникмаларга эга."

Мбаппе ҳақида:

"У ўзини бироз яхши ҳис қилмоқда, аммо ҳали етарли эмас. Жуда иссиқ, шунинг учун машғулот ўтказмади. Биз уни аҳволини ўйин олдидан кузатамиз ва майдонга тушадими йўқми ҳал қиламиз.

У ҳаракатчан ҳужумчи, позицион ҳужумлар учун эмас. У классик "таргетмен" эмас, аммо у кўп гол урадиган "тўққизлик".

Родриго ҳақида:

"Мавсум охири унинг учун осон бўлмади, лекин у танаффус олди, терма жамоага бормади, бу эса унга қайта тикланишга ёрдам берди.

Биз илк кундан бошлаб суҳбатлашдик, мен унинг ўйинга ҳисса қўшиш ва ундан завқланишга чанқоқлигини кўряпман. У бизга кўп фойда келтира олади."

Модрич ҳақида:

"Биз ҳар доим жуда яхши муносабатда бўлганмиз. Биз бир-биримизга ишонамиз, ҳар қандай вазиятда нима қилиш кераклигини биламиз, ва унинг ёш футболчиларга нисбатан ишончини ёқтираман. У уларга жуда яхши таъсир ўтказади ва биз бу тўрт ҳафта ичида ундан баҳраманд бўлишни хоҳлаймиз.

У — бутун бир авлоднинг футболчиси, "Реал" тарихидаги афсона. Биз ундан иложи борича кўпроқ фойда олишни хоҳлаймиз."

Винисиус Жуниор ҳақида:

"Мен уни шахсан танимасдим, лекин ўн сонияда у қандай инсон эканлигини ва одамлар билан қандай мулоқот қилаётганини тушундим. У жуда жўшқин, у билан бирга бўлиш керак. Менга шундай футболчининг бўлиши ёқади. Унинг юраги катта. Сўнгги кунларда мен айнан шуни ҳис қилдим," – деди "Реал" бош мураббийи Хаби Алонсо.