Xabi Alonso: "Vinisius bilan bog‘liq vaziyat yopildi"

"Real" bosh murabbiyi Xabi Alonso Vinisius Junior bilan sodir bo‘lgan mojaro haqida gapirdi.

"Chorshanba kuni, ikki kunlik damdan so‘ng jamoa bilan yig‘ildik. Vinini xulqi ajoyib edi, u samimiy gapirdi va men bundan mamnun bo‘ldim. Masala hal bo‘ldi.

Bu juda qadrli va ijobiy bayonot edi. U yurakdan gapirdi, jamoaga va muxlislarga nimani etkazmoqchi ekanini aytdi. Eng muhimi — u hammasini jamoadoshlariga va muxlislarga tushuntirdi. Shu kunning o‘zida vaziyat yopildi.

Biz hammamiz bir qayiqdamiz va bir yo‘nalishda harakat qilyapmiz", — dedi Xabi Alonso.

Eslatib o‘tamiz, "Barselona"ga qarshi uchrashuvda (2:1) Vinisius almashtirish paytida jahli chiqib, bosh murabbiyga qo‘l bermagan edi. Keyinchalik braziliyalik futbolchi uzr so‘radi, ammo Alonso haqida gapirmadi.