Хаби Алонсо: "Винисиус билан боғлиқ вазият ёпилди"

"Реал" бош мураббийи Хаби Алонсо Винисиус Жуниор билан содир бўлган можаро ҳақида гапирди.

"Чоршанба куни, икки кунлик дамдан сўнг жамоа билан йиғилдик. Винини хулқи ажойиб эди, у самимий гапирди ва мен бундан мамнун бўлдим. Масала ҳал бўлди.

Бу жуда қадрли ва ижобий баёнот эди. У юракдан гапирди, жамоага ва мухлисларга нимани етказмоқчи эканини айтди. Энг муҳими — у ҳаммасини жамоадошларига ва мухлисларга тушунтирди. Шу куннинг ўзида вазият ёпилди.

Биз ҳаммамиз бир қайиқдамиз ва бир йўналишда ҳаракат қиляпмиз", — деди Хаби Алонсо.

Эслатиб ўтамиз, "Барселона"га қарши учрашувда (2:1) Винисиус алмаштириш пайтида жаҳли чиқиб, бош мураббийга қўл бермаган эди. Кейинчалик бразилиялик футболчи узр сўради, аммо Алонсо ҳақида гапирмади.