Хабиб Нурмагомедов 60 млрд. сўмлик спорт баъзасини қурди!

ММА юлдузи Хабиб Нурмагомедов Доғистонда спорт базасини қуриш учун 400 миллион рубл (тахминан 60 млрд.сўм) сарф этгани маълум бўлди. Бу ҳақда спортчининг менежери Ризван Магомедов айтиб ўтди.

"Хабиб ўз шахсий маблағлари ҳисобидан Доғистонда спорт базасини қурган. Бунга тахминан, 400-500 миллион рубл сарфлаган. Айни пайтда база юз фоиз ишламоқда. Жамоамиз ёз охиригача ўша ерда тайёргарлик кўради" - деди Магомедов.

Эслатиб ўтамиз, куни кеча Федерал солиқ хизмати Хабибнинг банк ҳисобини яна бир бор блоклагани маълум бўлди.