Хабибнинг менежери: Умид қиламанки, Дана Уайт тез орада UFC 249нинг жойини эълон қилади

UFC чемпиони Хабиб Нурмагомедовнинг менежери Хавьер Мендес UFC 249 доирасида Тони Фергюсонга қарши жанг бўлишидан ҳамон умид қилмоқда.

"Расмий равишда жанг бекор қилинмади. Шунинг учун мен қўлларимни мушт қилган ҳолда умид қиламанки, Дана Уайт тез орада UFC 249нинг жойини маълум қилади.

Шунда, биз асл режага қайтамиз ва Тони Фергюсонга қарши жанг қиламиз. Агар, бу амалга ошмаса, жанг август ойида Сан-Францискода ёки сентябрда Абу-Дабида бўлиб ўтса, бирор-бир жойга учиш шарт бўлмайди.

Хабиб доим машғулотлар ўтказиб келмоқда, аммо келинг, ҳақиқатга тик боқайлик - унинг машғулотлари идеал даражадан узоқдадир. Карантин шароитида машғулотлар ўтказиш қийин," - деди Мендес.