Хакам Кака билан селфи тушиш учун антиқа услубдан фойдаланди

Исроил ва Бразилия афсоналари ўртасидаги ўртоқлик ўйинида қизиқ ҳодиса юз берди. Ўйинни бошқариб бораётган аёл хакам Кака билан расмга тушиш учун антиқа услубдан фойдаланди.

Ўйиннинг иккинчи таймида Кака тўпни эгаллаб олганидан сўнг хакам ўйинни тўҳтатиб, унга сариқ карточка кўрсатди. Шундан сўнг чўнтагидан смартфонини олди ва Кака билан расмга тушди.

Ушбу ўйин барзилияликларнинг 4:2 ҳисобидаги ғалабаси билан якунланди.

Эслатиб ўтамиз, "Милан" афсонаси футболчилик фаолиятини 2017 йилда тўҳтатган эди.