Ассоциацияда тренерларнинг янги қўмитаси фаолият юритади. Бу қўмита малакали мураббийлар кадрларини тайёрлаш масалаларини ҳал этади ва спортчиларни мусобақаларга тайёрлаш услубиятларини ишлаб чиқади.

Бундан ташқари қуйидаги янги қўмиталарга асос солинди:

– чемпионлар ва тренерлар қўмитаси. Унинг таркибига жаҳон ҳамжамияти томонидан ҳурматга сазовор бокс фахрийлари ва спортда юқори натижаларга эришган, ўз тажрибаси билан ўртоқлашишга тайёр бўлган машҳур чемпионлар киради;

– мусобақалар бўйича қўмита. У AIBA турнирларини ўтказишга раҳбарлик қилади ҳамда ушбу мусобақаларнинг барча халқаро талабларга мувофиқ бўлишини кафолатлайди;

– хотин-қизлар қўмитаси. Ушбу қўмита жаҳон боксида гендер тенглигини таъминлашга даъват этади;

– тиббиёт ва допингга қарши қўмита. Унинг вазифаси спортчиларнинг барча тиббиёт ҳамда допингга қарши қонунчилик талабларига амал қилишларини таъминлашдан иборатдир.