"Реал"нинг собиқ футболчиси МЛСга йўл олиши мумкин

"Реал" ва "Бавария"нинг собиқ футболчиси Хамес Родригес фаолиятини МЛСда давом эттириши мумкин.

"The Athletic" нашрининг хабарига кўра, колумбиялик вингер "Миннесота Юнайтед" билан музокаралар олиб бормоқда. 34 ёшли футболчи декабрь ойида "Леон"ни тарк этганидан сўнг эркин агент мақомига эга бўлиб турибди.

Мексика клуби сафида Хамес 34 та ўйинда майдонга тушиб, 5 та гол урди ва 9 та голли узатмани амалга оширди.