Хамзат Чимаев – ўрта вазн тоифасида UFC чемпиони !!!

Ҳозиргина АҚШнинг Чикаго шаҳрида ўтказилган "UFC 319" турнири якунланди.

Мазкур оқшомнинг марказий тўқнашувида жанубий африкалик Дрикус дю Плесси ва чеченистонлик Хамзат Чимаев ўзаро кураш олиб борди.

Кўпчилик, Хамзат 1-2-раундларда рақибни финиш қила қила олмаса, якунда очколар эвазига имкониятни бой бериб қўяди, деб тахмин қилганди. Бироқ бу тахминлар ўзини оқламади.

Чимаев тўлиқ 5 раунд давом этган жангда ҳакамларнинг якдил қарорига кўра ғалаба қозониб, ўрта вазн тоифасида UFC чемпионига айланди!