Ханчжоу-2022: Бугун ўзбекистонлик спортчилар 1 та медаль қўлга киритди, умумжамоа ҳисобида эса...

Бугун Ханжчоу мезбонлигида ўтаётган Пара Осиё ўйинларининг 6-куни ҳам ортда қолди.

Қувонарлиси, бугун қиличбозлик бўйича аёллар терма жамоамиз тарихий ғалабага эришди. Вакилларимиз жамоавий беллашувларда барча рақибларни мағлуб этган ҳолда олтин медалга сазовор бўлишди. Зайнаб Дайибекова, Гулистан Пердибаева, Фернанда Эррера ҳамда Паола Плиего ўз исмларини ўзбек қиличбозлиги солномасига битиб қўйишди.

Тантанали тақдирлаш маросимида Ўзбекистон Республикаси Ёшлар сиёсати ва спорт вазири ўринбосари, Ўзбекистон оғир атлетика федерацияси раисининг биринчи ўринбосари Шаҳрулло Маҳмудов иштирок этди.

Ушбу ғалабадан сўнг делегациямиз умумжамоа ҳисобида Хитой, Жанубий Корея, Япония, Ҳиндистон ва Таиланддан сўнг 6-ўринда бормоқда. Делегациямиз ҳисобида ҳозирча 7 та олтин, 10 та кумуш ва 15 та бронза, жами 32 та медал бор.