Ханс-Дитер Флик: "Барселона" мени бутунлай ўзгартирди"

"Барселона" бош мураббийи Ханс-Дитер Флик ўз иши ҳақида фикрларини баён қилди. Немис мутахассиси "кўк-анорранглилар" бошқарувида иккинчи мавсумини ўтказмоқда. Ўтган мавсумда каталонияликлар Испанияда барча мусобақаларда ғолиб чиқишди.

"Барселона" мени бутунлай ўзгартирди. Мен бу клубни ва у билан боғлиқ бўлган инсонларни яхши кўраман. Бизнинг вазифамиз – футболчилар ривожланиши учун тўғри муҳит яратиш. Мен айнан шунга эътибор қаратганман. Жамоа мухлисларга янада кўпроқ стадионга келиш ва ҳар бир ўйинни интизорлик билан кутиш учун сабаб беради", – деди Флик "Managing Barca" порталига.

Ҳозирда "Барселона" Ла Лига турнир жадвалида етакчи бўлиб турибди ва Мадриднинг "Реал" жамоасидан тўрт очко устунликка эга.