Ханс-Дитер Флик: "Ҳимояда жуда кўп гол ўтказиб юборяпмиз"

"Барселона" бош мураббийи Ханс-Дитер Флик жамоасининг ҳимоядаги ўйинини танқид қилди.

— Биз жуда кўп гол ўтказиб юборяпмиз, шунинг учун ҳам шунча қайтишларга мажбур бўлдик. Бизнинг руҳиятимиз — доим ўзимизга ишониш, аммо айниқса ўйинлар бошида яхшироқ ишлашимиз керак. Биз илк дақиқаларданоқ тайёр бўлишимиз шарт, мен айнан шуни кўришни истайман.

"Барселона" ўйинларини томоша қилиш доимо қизиқ, аммо биз улкан салоҳиятимизни тўлиқ ишга солишимиз керак ва айнан шуни амалга оширишни режалаштиряпмиз.

Биз янада кучлироқ бўлишимиз, айрим жиҳатлар устида ишлашимиз лозим. Бироқ Чемпионлар лигасида умумий босқични бешинчи ўринда якунладик. Мавсумни қандай бошлаганимизни ва "Челси"га қарши ўйинни эсласак, кўпчилик бизни топ-8га киради деб ўйламаган эди. Аммо биз бешинчи ўринда эгалладик. Мен жамоага ҳам шуни айтдим: натижадан мамнунман, лекин янада яхшироқ ишлашимиз керак, — деди "Барселона" бош мураббийи.