Хаусен жароҳат олди: "Реал" ҳимоячиси 5–7 кун жамоага ёрдам бера олмайди

"Реал Мадрид" марказий ҳимоячиси Дин Хаусен жароҳат олди. Мадрид клубининг маълум қилишича, футболчи ўнг оёғининг болдир қисмида мушак шикастланишига дуч келган. Қайта тикланиш муддати расман очиқланмади.

"Marca" хабарига кўра, ҳимоячи "Осасуна"га қарши ўйин арафасида ноқулайлик сабабли машғулотларда иштирок этмаган ва Испания чемпионати доирасида Памплонада бўлиб ўтадиган баҳсни ўтказиб юборади. Шу билан бирга, клубда футболчи Чемпионлар лигасида "Бенфика"га қарши жавоб учрашувига қадар сафга қайтишига умид билдирилмоқда.

Журналист Мельчор Руиснинг маълумотига кўра, Хаусеннинг жароҳати жиддий эмас. У тахминан 5–7 кун давомида майдонга туша олмайди.