Xaverts "Arsenal"ga o‘tgani haqida nimalar dedi?

"Arsenal" "Chelsi"ga 65 million funt to‘lagan holda Kay Xavertsni sotib oldi va futbolchi bilan 5 yillik shartnoma imzoladi. Transfer amalga oshganidan keyin germaniyalik yarim himoyachi o‘z fikrlari bilan o‘rtoqlashdi.

"Arsenal"ga o‘tganimdan juda ham xursandman. Bu klub katta tarixga ega va umid qilamanki, kelajakda ham yirik sovrinlarni yutamiz. Men barcha xodimlar va futbolchilar bilan ko‘rishishni istayapman. Bu juda qiziqarli bo‘ladi", - dedi Xaverts. 

Ma’lumot uchun, "Arsenal" Kayni o‘z tarkibiga qo‘shib olganidan keyin Yurrien Timber va Deklan Raysni sotib olishga urinmoqda.