Хаверц "Арсенал"га ўтишга рози бўлди

"Челси"ни тарк этиши кутилаётган Кай Хаверцниг кейинги манзили "Арсенал" бўлиши мумкин. Бу ҳақда инсайдер Фабрицио Романо хабар бермоқда. 

Журналистнинг таъкидлашича, "канонирлар" германиялик футболчи учун соралаётган 60 миллион фунти тўламоқчи эмас, лекин "Челси" нархни пасайтириши мумкин. Шахсий шартлар бўйича муаммо бўлмайди. Кай Артета қўл остида тўп тепишга тайёр. 

"Арсенал" ушбу ёз ярим ҳимояни кучайтиришга ҳаракат қилади. Клуб Деклан Райс трансфери устида ишламоқда. Шунингдек, Мойзес Кайседо ва Мэйсон Маунт ҳам жамоанинг шорт-листидан жой олган.