Хави “Барса” бош директори ва бош мураббийи бўлиши кутилмоқда

“Барселона” президентлигига асосий даъвогарлардан ҳисобланган Виктор Фонт клубни қандай ривожлантириш ҳақидаги режалари билан ўртоқлашди.

Фонт клуб тараққиётини таъминловчи мутахассис сифатида Хавини Каталонияга қайтармоқчи. Янги лойиҳа айни пайтда Қатарда “Ал-Садд” жамоасини бошқараётган Хавининг атрофида қурилади.

Биз чуқур таҳлил ва мулоҳазалардан сўнг узоқ давом этадиган янги лойиҳа марказида Хави бўлиши керак, деган хулосага келдик. Бунда унинг футбол соҳасидаги кучли билими, етакчилик қобилияти ва бошқарувчилик маҳорати асосий роль ўйнайди.

Хави клуб тарихида энг зўр ўйинчилардан бўлган. У янги жамоа қуришга қодир. Энг муҳими, Хави бир неча лавозимларда муваффақиятли ишлай олади. Биз унинг ўзига кейинги 10 йилда клубда муҳим одам бўлишини айтдик. Хави бир пайтнинг ўзида ҳам бош директор, ҳам бош мураббийи бўлади. Куманнинг масаласини ҳам у келганидан кейин ўзи ҳал қилади, - деди Виктор Фонт.

“Япониялик Месси” жамоасини тарк этмоқчи

“Боруссия” Англиядан янги иқтидор топди

                                                     

Матнда хатолик топсангиз, ўша хатони белгилаб, бизга жўнатинг (Ctrl + Enter)