Хави “Барса” футболчиларининг ишончини йўқотди

“Барселона” бош мураббийи Хави Эрнандес футболчилар ишончини йўқотди, деб хабар тарқатди испаниялик журналист Кике Матеу.

Манбанинг таъкидлашича, футболчилар мураббийнинг майдона уларга бераётган кўрсатмаларини тушунмаяпти ва бунинг оқибатида улар Хавининг мураббийлик методикасига шубҳа билан қарай бошлади.

Хави Эрнандасни бош мураббий курсисида “Барселона”да ўйнаган даврида клуб афсонасига айлангани ва мавқеи баланд экани ушлаб турибди.

Бундан ташқари, испаниялик мураббий клуб спорт директори Деку ва “Барса” хўжайини Жоан Лапорта билан дўстона алоқаларни давом эттираётгани ҳам унинг фаолиятини қўллаб-қувватлаб турган омиллардан ҳисобланади.