Хави Бензема ва Левандовскини солиштирди

"Реал"га қарши жавоб ўйини олдидан матбуот анжумани чоғида "Барселона" бош мураббийи Хави Роберт Левандовски ва Карим Бензема ҳақида савол олди. Ёш мутахассисдан ушбу футболчиларни қай бири кучли эканлиги сўралган.

"Савол осон эмас. Гап, эҳтимол, дунёнинг энг яхши учта ҳужумчисидан иккитаси ҳақида кетмоқда. Улар бироз ўхшаш ва ўз клублари учун жуда муҳим футболчилар. Бензема жуда иқтидорли, у керакли вақтда қаерда бўлишни билади. Роберт жисмонан кучлироқдир", - деди Хави матбуот анжуманида.

Эслатиб ўтамиз, биринчи баҳсида "Барселона" меҳмонда "Реал"ни 1:0 ҳисобида мағлуб этган эди.